Jangela ondorengo orduak ekintza desberdinak burutzeko erabiltzen dira. Jolas librea izaten da haurrak gehien atsegin dutena, baina tarteka gidatutako jarduerak egitera gonbidatzen ditugu. Horietako bat frutaz brotxetak egitea izan da. Helburu bi izan ditu, bata fruta anitzak beste era batera jateko aukera desberdin bat ezagutaraztea eta bestea fruta jatearen garrantziaz ohartaraztea.

Maiatzaren 24tik-31ra birziklatutako materialez eginiko eskulan erakusketa ikusgai izango dugu Urretxuko Juan de Lizarazu erakustokian. Inaugurazioa maiatzaren 24an arratsaldeko 19:00etan izango da eta 27tik-31ra 17:00etatik 20:00etara ikasleek egindako lanak ikusteko aukera izango dugu.